由於係香港影我地都睇過咁上下價錢 咁三年無去旅行就決定左去外地影 順便當去埋旅行 做左一輪功課之後同老婆有個共識 最後係揀左kimchumma jeju 佢會好早就提我地要準備啲咩 想影既keywords 去到所有野都好順利 我地要揀既景都比到我地 仲私人提供埋道具比我地
咁當日流程就9點半黎接我地去studio化妝 set頭 （特別要提下個司機兼全日翻譯 雖然佢只會講普通話 但個人好熱心 人超好 而且翻譯得快 感覺韓文重勁過老闆娘🤣）揀衫既時間其實不多 短時間內要揀好三套衫（女）男就一套 拍攝前佢會比相你參考 你要早啲諗好你大概風格既衫 頭飾 到時就唔會揀唔到 咁一點左右就出發 除左攝影師另外有兩個助手全程幫我老婆換衫換髮型既 都好熟手 係比較cool左啲 可能我地唔識韓文既關係啦 咁一路影既時候攝影師影到有滿意既作品佢都會比我望下 我地都覺得係非常靚既