我地都好喜歡濟州嘅花海，所以決定6月去影prewedding，有蕎麥花同綉球花。

婚攝公司選擇左Kimchumma JEJU，店主Yoko由一開始問詳情時已經解釋得好詳細，回應都好快。影之前會提醒注意事項。
去之前因爲濟州天氣唔係太好，落左好耐雨，所以都好擔心。但經理阿Man係知道預定拍攝當天預報會好大機會落大雨，都提前同我地whatsapp溝通，同攝影師夾完之後將日子改後一日，所以最後藍天白雲，我地都好開心。

Kimchumma JEJU當日有安排中文翻譯+司機，所以唔洗擔心同攝影師/化妝師有溝通問題。當日翻譯+司機 Sunny 貼身照顧我地，又會提醒我地要食小小野，唔好餓親。辛苦曬！

當日早上會先去化妝室，化妝 set頭同揀婚紗禮服。化妝室長幫我地化左個韓仔韓妹妝同set左好滿意嘅頭。另外，婚紗禮服都有好多選擇，佢地根據場景都比左好多意見我地參考。化妝室會安排一個助手跟住我地一齊去拍攝，助手會幫手換婚紗同轉場景時轉頭，好快手，又會幫手側拍。

我地選擇左studio 20， 係女攝影師，佢好識得揀拍攝好地方，又用心指導我地擺pose。當初同Kimchumma JEJU溝通的，攝影師都有好好安排到，真係好感謝攝影師同Kimchumma JEJU。

最後影完約一星期收到原檔，我地加快修圖約1個月已經收到精修相片，真係好有效率。精修相片好滿意好靚!

超級推薦Kimchumma JEJU~