第一個post 分享我既第一輯婚紗相
因為我好鍾意繡球花
所以想喺濟州影結婚相 影一大片嘅繡球花！
搵左朋友介紹嘅 Kimchumma
佢哋網站上有好多間studio 揀
唔同攝影師有唔同嘅風格 調色
我哋揀咗studio 17
Package 包左住宿接送租衫化妝相簿
(我哋係自己book酒店冇join到package嘅住宿）
有Kimchumma 既助手點到點接送，超方便同好放心！助手應該係台灣人，用普通話溝通冇問題！
首先去咗化妝室化妝同揀裙先！
韓式化妝同香港化妝風格唔同 所以我自己搵咗啲參考圖俾化妝師睇 最後效果都滿意！
揀裙花多眼亂浪費咗好多時間
記得上網做咗資料蒐集先
Cap 低想要既風格 等佢哋推薦俾你

我地去咗森林，草地，繡球花園，海邊四個地點
攝影師揀呢個繡球花園真係好靚！
我哋七月頭去 好彩啲花仲係滿開
海邊都係我最鍾意嘅場景 記得要加錢買仙女棒！

韓國嗰邊嘅助手都非常專業！
幫手指導我哋姿勢 轉嘅髮型都幾靚
做到身水身汗，又俾蚊咬都無怨言

最surprise係studio 17 攝影師影完相之後送咗幾張即影即有俾我哋
超靚

原圖我手臂影出嚟有啲肥，但唔使擔心，攝影師嘅修圖技術勁高超，效果好自然
韓國人嘅修圖技術果然係勁
本身package包咗30張精修相放相簿
(Studio 17 有額外送多10張精修）
最後太多靚相，我哋都加咗錢加多啲相入相簿 haha