Threads客人評價 早排經
@kimchummajeju
影婚紗照pre wedding，感覺不錯，想分享下過程。拍攝前因為濟州天氣都好凍，得0-1度，團隊主動聯絡我哋需唔需要調整拍攝日期，亦都同我哋交代景點當時嘅情況，按需要再調整，行程安排都妥當，唔使去到當地擔心啲景點唔靚要夾硬影。住嘅酒店個人感覺都乾淨企理，附近有便利店、有快餐店、有商圈，比預期理想。當日有專車接送，全程都有翻譯、化妝師同攝影師陪住，氣氛輕鬆冇壓力。翻譯貼心，幫我哋貼暖包之餘，仲會教我哋擺pose，完全唔怕尷尬，最正係會係旁邊用手機影埋一份，未收相已經有定幾張靚相係電話。化妝師好細心，會根據場景幫我哋轉造型、補妝同整理髮型，想講個妝真係唔錯，影完都唔捨得卸😂每套婚紗都好靚，揀衫時亦畀咗好多專業意見。攝影師哥哥都好有耐性，就算我哋表情生硬、唔識擺pose都會慢慢帶住影，仲會用手機幫我哋影花絮留念。拍攝後交相速度亦好快，好快就收到原檔同執修後嘅相片，成品質素滿意，比親朋友睇都話又靚又抵。如果有朋友諗住去濟州影婚紗照，我真心推薦