上網見到濟州啲 pre-wedding好靚，我哋又想影繡球花，所以揀咗Kimchumma JEJU嘅Studio 15喺6月初去影pre-wedding

拍攝同揀衫都係同一日進行，而且化妝同揀衫都係同一個地點搞掂，慳咗好多時間，可以唔駛太早起身。另外，新郎西裝就係化妝揀衫附近，尺碼齊全，仲可以現場改褲長，所以一定啱身！

雖然拍攝當日一開始落咗陣雨，但好彩之後都有停雨，拍攝都進行得十分順利。除咗繡球花，我哋仲影咗玫瑰，啲花勁靚非常適合影pre-wedding！仲去埋攝影師推薦嘅森林同必影嘅沙灘，成輯相嘅場景好豐富！拍攝過程攝影師同翻譯都會指導下啲pose，化妝師亦都會跟足全程。

另外，package包埋Kimchumma JEJU嘅民宿，位置喺市區同埋附近都有便利店，間房喺高層，方便同無噪音，都幾好！