今次婚攝經驗比我預期嘅好，無論安排上、攝影過程、後期修圖都令我哋非常滿意。我地用埋佢地包車服務，我地將行程計劃同佢哋講，佢地會在路線上俾建議，非常專業細心。佢地仲幫我地預約好一間韓服店，一落機就帶我地去試，為第二天婚攝作準備。無論男仕女仕禮服選擇都好多，比一般嘅婚攝公司多同靚。韓國化妝師化嘅妝非常自然，佢地會先了解我地嘅喜好，係溝通嘅過程Kimchumma 擔當翻譯角色，免卻好多言語上面嘅誤會，令我哋放心交晒俾化妝師發揮。攝影師都非常專業，將我地最幸福最靚嘅一面展現出嚟，出黎效果竟然意想不到咁好。婚攝中段，天公不造美落細雨，天氣更加凍起黎，化妝師同Kimchumma 都好細心，每影完一個景，即刻幫我被翻件褸保暖，好窩心...