之前一直都好中意濟州嘅風景，所以影婚紗相都揀咗濟州。上網搵到Kimchumma JEJU，好中意佢地嘅風格，而且佢地都係住係濟州，有咩事都可以直接溝通，於是就選擇咗佢地。拍攝前有咩問題問佢都好快回覆，而且仲好細心解答。拍攝當日係4月10日，好好彩天氣好好冇落雨，只係有少少凍，一有休息時間，化妝師都會即刻拎外套摟住我，隨行翻譯超級nice ，仲做埋司機添。攝影團隊有3個人，一個影片，兩個負責影相，過程完全唔洗擔心唔識擺pose，因為佢地全程都會教你地點擺，最緊要係笑得燦爛。攝影師仲臨時加咗兩個地點俾我地影，令到成輯相都變得好豐富。影完隔咗兩三日就已經收到全部未執嘅相，再隔一個半月就收到哂執好咗嘅相&微電影，全部都好靚，非常滿意