其實我一直都好中意繡球花
直至幾年前的一次旅行
我意外發現原來濟洲一到夏天就會開滿繡球花
甚至會有我最愛既紫色
我就已經暗暗決定人生一定要影一次紫色繡球花既PW
自從plan結婚，我就一直上網搵唔同既公司
老公好想搵一間當地既人，而我就想有自然既感覺
最後俾我搵到呢間kimchumma jeju
佢哋職員好耐心咁解答我所有問題
知道我好想影繡球花，但能夠放假既日子有限
佢哋都幫我計好假期既日子幾時去最好
係我決定book之前，仲俾我發現有朋友都係影佢哋
我都好安心
到影之前佢地工作人員有問我D問題，
我當然係第一時間要影紫色繡球花
佢哋已經同我打定底話今年因為天氣問題未必去到仲有紫色
到影果日我好開心，因為攝影師姐姐真係幫我搵到
仲影左好多好靚，當日天氣好熱，我又唔舒服
好多謝攝影師，化妝師同翻譯姐姐都好耐心照顧我
最後出嚟既相，我同老公都好中意