我們想影一輯清新、自然、有活力嘅婚照，靈機一觸就諗不如近近地去濟州，一個四季都有唔同花海及大自然嘅地方。係比較左幾間濟州pre-wedding的公司後，最終揀左Kimchumma JEJU。

Whatsapp同Kimchumma傾嘅過程中，感覺佢地比起其他中介公司更加直爽真誠，而且回覆迅速、價格透明，令人感覺放心，所以最終同未婚夫決定就搵佢地幫手安排濟州pre-wedding。

佢地一站式咁安排好曬婚紗、化妝、司機、翻譯、攝影團隊、跟拍助理，好有效率。

多謝Yoko同Man事前嘅溝通安排，WhatsApp提醒定我地應該準備嘅事項，我地拍攝前一日想係相入面加香檳做道具，但係當地唔知去邊可以買到香檳，佢地都好好咁幫我地準備埋。拍攝選服裝當日Yoko仲好好咁特登黎左婚紗店同我地打招呼，以及好貼心咁當面同婚紗店職員溝通要好好take care我地。Man回覆好快，做嘢好有效率，超讚。

多謝拍攝當日早上中文翻譯+司機Landy，好健談，全程非常照顧我地。知道我地係第一次來濟州，車程沿途更擔任導遊角色介紹濟州出名、有特色嘅地方俾我地知。拍攝期間又會示範教我地點樣擺pose影出來效果會比較好看。

多謝化妝髮型跟拍助理姐姐，佢好sweet、好細心，夜晚降溫同大風嘅時候會擔心我凍，係一旁已經拎定大褸，一影完就即刻幫我披上。我地最尾一個shot係浸泡係近0度嘅海水度，凍到飛起，一影完後助理姐姐好貼心咁即刻過來摟著岩岩上水、仲係滴緊凍海水嘅我，幫我保暖，姐姐發自內心的關愛真係令我覺得超級溫暖！另外，助理姐姐係側邊隨手幫我地影嘅相片都已經好靚，等我地拍攝完可以有幾張相可以即日回顧番。

多謝Studio 15團隊，攝影師英文好好，拍攝過程中我地都可以同佢直接傾到計。呢間studio的風格係時尚、自然為主，拍攝開始前攝影師好細心會同我地溝通左先，拍攝的過程讓我地覺得輕鬆、表現自然的一面，不需要刻意的擺拍，出來嘅效果我地都好喜歡。之後好快收到所有相片，而且修圖都好快，我地都好喜歡Studio 15的調色風格。