以前睇韓劇同韓國綜藝成日見到濟洲島好靚, 所以一開始諗住要影Pre Wedding 就決定左要去濟洲島影。我地去過婚展同睇左唔少網上評價之後, 最終就揀左Kimchumma JEJU。因為見佢D評價好好, D相又好靚, 仲係生活係濟洲島ge香港人主理, 感覺上同聲同氣, 溝通上完全無問題, 對當地又熟悉。由我地一開始接觸到我地影之前, 佢都俾左好多有用ge建議我地, 令我地好放心。仲有, 無論翻譯兼司機Landy, 化妝師同攝影師, 大家都好NICE, 影相果日都好愉快同順暢, 而且都好照顧我地。影相前幾日, 我提出左想去影ge地方, 攝影師最終調整左路線, 令我地可以去到。到左我地影果日, 因為係11月尾, 得十度左右, 仲要好大風, Landy仲特登煲左薑水俾大家飲, 驚我地會凍親。
最緊要ge係, D相影出黎, 我地都好滿意, 朋友睇到都話人靚景又靚。如果朋友要去濟洲島影Pre Wedding, 我一定會推介佢地揀Kimchumma JEJU。