去濟州拍婚紗照係一次浪漫嘅回憶。雖然Kimchumma JEJU喺香港冇實體舖。一開始係有啲擔心。但Kimchumma JEJU比到好大信任我哋，回覆都好快。由頭到尾又冇hard Sell情況出現。所以成個過程我哋都係好安心同舒服。去到濟州婚攝當日，黃昏時分嘅海灘，夕陽映照落海面，天空漸漸染成粉紅色同粉紫色，氣氛特別溫暖而浪漫。著住婚紗踏住細沙，感受海風吹過，畫面就好似電影場景一樣。喺雛菊花海拍攝時，白花同婚紗互相映襯，清新又純潔，成張相都充滿幸福感。除咗靚景之外，製作團隊亦好專業，攝影師好識引導動作，捕捉最自然嘅笑容；化妝師細心為我哋調整造型，保持最好狀態，拍攝當日都俾我哋試咗四五條裙，試造型都即時更換。絕無黑面。亦都俾咗好多意見我地。隨行嘅翻譯亦幫咗好大忙，好有耐性幫我地向攝影師同化妝師表達我地嘅要求。令過程更輕鬆暢順。呢次拍攝唔單只留低咗一輯動人嘅相片，仲成為我哋一生難忘嘅甜蜜回憶。