出發前一個星期職員留意到濟州天氣唔太穩定，可能落雨，叫我地改後一日， 好睇有跟職員意見，原本定左果日真係落大雨，如果無改就白費心機，影唔到櫻花， 之後果日天氣真係好左好多！櫻花都開得好靚！ 一早會有職員揸車黎到酒店樓下接我地去studio化妝， 揀西裝婚紗， 韓國果然唔同d, 西裝同婚紗好多款同靚過香港好多，唔識講韓文唔緊要，有翻譯同你即時翻譯比化妝師聽 ，出發前仲猶豫緊加唔加錢着韓服，好彩有加，個人覺得着韓服好睇啲同特別啲，

化好晒妝着好晒衫 大約下午一點就出發去景點影相，同行會有一個化妝師，同一個翻譯助手， 啱啱開始影都會有啲唔慣有少少尷尬 ，好彩化妝師同助手都會幫手帶動氣氛同比指令配合攝影師 ，務求可以影到我哋最自然嘅一面， 行程大約一點至六點 會影三至四個景點，行程完最後會送我哋返酒店 ，整體上都好滿意職員安排嘅行程 ，拍攝當日氣溫比較低，每次休息時間助手都會馬上比外套我哋着，全程都好照顧我地,態度都好好