拍攝當日既司機兼翻譯姐姐Landy要點名大力稱讚！由於早一晚食錯野 我男朋友肚痛🥲10點接送既時候我諗住買埋藥先去化妝室 Landy二話不說比出一個更好既安排 佢話新娘化妝需時 於是車哂我地兩個去化妝室 然後佢再陪我男朋友去藥房 化妝試衫大約需時兩至三個鐘 中間仲偷到少少時間食個三文治️ 12點左右 隨行化妝師姐姐（冇問到叫咩名🥲）就到左化妝室 佢會了解下3套衫想襯咩頭髮造型 化妝師姐姐又係勁細心拍攝途中又幫手拎鞋 又整理頭髮同裙 又用我手機影勁多相 超級無敵細心！然後老闆娘突然到左化妝室同我地打招呼同埋跟進下我地個情況！實在係太貼心喇️

1230終於出發去首個拍攝地點同攝影師會合 老實講之前上網有見過話有啲攝影師好串同埋高高在上 都擔心個過程會唔愉快或者有壓力 好幸運攝影師哥哥超超超超好人（我地揀左studio 17）！仲好仔細教擺post 連一隻手指佢都唔放過🤣🤣🤣 每影完一個地點攝影師哥哥都會比相機我地睇下影成點 睇完就知道出黎既效果會好靚🤤🤤🤤 佢最後仲揀左5張相曬左即影即有比我地做禮物 好感動....